Kva slags ferieminne gler du deg til å sjå tilbake på i sommar? For mange handlar det om grøne fjelltoppar, frisk luft og utsikt over fjord og fjell. Men desse turane kan òg bli ein påminnar om kva kroppen ikkje orkar. Kne som kranglar, hofter som stivnar, og føter som gir opp.
Kjenner du deg att? Turen opp går som regel greitt – tungt, men overkommeleg. Det er i nedoverbakkane det gjer vondt. Men kvifor?
Det handlar sjeldan om feil sko eller alder. Som oftast er det manglande styrke i lår, sete og hofter som er årsaka. Kondisjonstrening er vel og bra, men det er styrketrening som gjer deg fjellklar. Sterkare musklar gjer kroppen betre rusta til å tole fleire høgdemeter, og reduserer risikoen for smerter og skader.
Heldigvis treng du ikkje trene fleire timar i veka for å merke forskjell. 30 minutt styrketrening, 2 dagar i veka, kan vere nok til å unngå at kroppen kollapsar etter første fjelltopp. Det er vel anvent tid, og det er ikkje for seint å starte!
Her er fire øvelsar du kan jobbe med gjennom sommaren. Får du gjennomført desse med god teknikk og riktig belastning, kan du verkeleg få løfta fjellturane til eit nytt nivå.
Fokusområde: Framside lår og hoftestabilisatorar.
Stå på ein step og hald deg lett mot ein vegg. Standfoten skal peike rett fram, og vekta skal vere på yttersida av foten. Senk den andre foten kontrollert ned mot golvet, medan du held kneet på standbeinet ut til sida. Skal kjennast godt i framside lår.
Fokusområde: Skuldre, overarmar og kjernemuskulatur.
Stå i halvt kneståande med kabelen i den armen du trenar. Press kabelen rett opp frå skulderhøgd. Hald brystkassa oppe og magen lett aktivert. Syns du det er tungt i skuldrene å bære sekk, kan denne øvelsen vere til stor hjelp.
Fokusområde: Sete, framside og bakside lår.
Plasser eine foten høgt på plata, og legg trykket på utsida av hælen når du trener. Strekk ut beinet til nesten heilt utstrekt kne, og pass på at kneet ikkje fell innover. Kneet skal peike rett opp eller litt ut.
Fokusområde: Framside lår.
Her skal bremsemusklane i låra verkeleg få køyrt seg! Denne øvelsen gjer knea betre rusta til alle nedoverbakkane fjella har å by på. Strekk knea raskt ut, og senk sakte ned att. Føttene dine skal peike rett opp, og kne skal peike rett opp eller lett ut til sidene. Dette krev fokus, men du får det til!
Er du klar for ein sommar der kroppen held heile vegen, både opp og ned? 2 x 30 minutt styrketrening er ei billig investering for å sikre mange gode sommerminne. Vi sjåast på Feel24 - også i sommarmånadane!
Få gode tilbud og tips rett i innboksen din.
